Nun hai mas que la terbizon ! (An mirandés ?)

Hoije ye'l die de la terbizon i arrelumbrei-me lo que dezie l'outro die Amadeu Ferreira suobre al fato que puderie haber un purgrama an mirandés nela RTP. Buono, you acho que no. I ye mesmo assi purque nun beio purqui'que ua pessona dal Porto ou d'adonde quier que seia starie antersada an mirar i scuitar dalgo que nun antende. Ou anton tenerie que trair legendas...

Mas anfin, hoije cula TDT (Terbizon Degetal Terrestre) ya se puodo fazer un canal que seia regional y anté altomatico. Splico-me, puderie haber dalguns purgramas an mirandés, purgramas ampurtantes cume nuticias i assi. Al resto dal tiempo puderie haber musica de maneira altomatica, sien mas. Purque pur anquanto nun beio qu'haba giente pr'aturar un canal mas que dalguas horas pur die.

Anton ? Pra quando Canal Praino ?

Nun hai mas que stramugir !

Dalguas bezes ye peciso stramugir afuora, aculhouca, ya bien loinge. Ye'l que you stou a fazer ya hoije. Marcho uns diês pal Porto a ber cume ye que sta aquielho. S'inda sta cume you'l deixei l'anhe passado ou se ya demudou algo.

You gusto de star no Porto, ye'l miu segundo amor. Al purmeiro, ye Cicuiro, claro. Mas al Porto ye outra cousa pra mie.

An Orly a la spera de l'abion

Pra mie, al Porto ye'l que you chamo Purtual. I hai dous anhos quando you alha cheguei por la purmeira beç, fui un spanto. Ya pur fin staba nesse peis ! Fui siempre mui buono de star eilhi pur siempre achei quien m'ajudasse nal die a die.

Nal miu purmeiro die, lhougo achei quien me lhebasse a casa, ua rapaza i sous pais, sien me coineceren de ningun sitio, ala ! I al chegar al lhaboratorio de la FEUP, que ye l'INESC pra donde fui uns meses, habie aqueilhes rapazes Pedro i João que lhougo me cumbidoran nun restaurante. Açpuis habie tamien aqueilha tie an casa de quien bebie, mui simpatica. Pus hoije bou alha pr'aquesse sitio. A ber s'acho uns cachicos daqueilhes tiempos !