Nun hai mas que ler Sturiano

"Sol rélo" y'l Porto

Ya fai un cierto tiempo que fui lhançado al lhibro de Nicolas : Sol Rélo. Essa nubela trata dua ambestigaçon policial an Uvieu, capital dal peis Stur. La storia ampeça cun ua muorte que todo parece andicar que fui un suicidio, mas a final sera mesmo assi que las cousas oucurrirun ?

Fala-se dua Sturias corrupta i dun jornalista que todo lhieba cuontra isso. Quaisque parece ua pelicula.

Serie ua buona eideia de dar a ler i studar tal lhibro pra los alunos de l'ultimo anho de mirandés. Ya que fui screbido por un sturiano, de binte i poucos anhos !

Nun hai mas qu'Eimilio al Heroi de Lazkoa !

Nun hai mas gambuzinos ?

Las bacanças de la Pascua an Miranda

Dantes, quando yera mas pequeinho, al miu amigo Oscar lhebaba-me a la caça al gambuzino. Yera purreiro purque tenie un de se puner atras duas touças i sprar durante muito tiempo.

La touça tenie que star a la borda al camino, que ye adonde passa al gambuzino. Açpuis tenie you un saquito que punie assi abierto, i alha spraba... spraba... spraba... anté que zas antraba alha algo !

La meior parte dal tiempo apénas passaban de ser, nada mas, nada menos, que ratos ou cuneilhos. Mas un die, you i Oscar apenhemos un gambuzino, so que cum yera de nuite ya nun biemos bien, i al abri l saco, l'animal que nun ye burro, muscou-se pr'uas touças qu'habie eilhi mas adelantre ! Fui péna ! Mas Oscar inda me dixo qu'aquel nun tenie grande ampurtancia; yera mui nuobo, i inda sien cuornos !

Bon pus isso todo pra bos dezir qu'ampéça hoije l porgrama de bacanças de l'ARJM. I ya hoije a las 14 bai haber ua batida al curcodilho pulas arribas dal Doiro. Dantes habie gambuzinos, agora son curcudilhos, los tiempos ban mudendo, ya las tecnicas de caça tamien qu'acho qu'un saco solo nun debe de dar pr'apanhar aquesta bicharada !

Diç que solo fui pussible abrir la caça pr'hoije purque al Menistro mirandés de la caça nun dou outerizaçon pra mas cul miedo que bengan tamien purtuéses d'alha baixo a papar al que ye nuosso.

Al Menistro tamien mos abisou que soutro die aparecieren-l uns curcodilhos a ua baca que staba a tumar banho nal riu i que quaisque l'iban murdendo ua pata ! Anton rapazes ide alha cun muito cuidadico, nun sei a que bos cortan tamien outra cousa...

Tamien hai que dezir que ya agora mesmo las ties cun mas spriença nal que se trata de fumeiro stan s'apurparar pr'aprofitar la criaçon dua nuoba chouriça de curcodilho cun tola alta sabedorie mirandésa nal que se trata de fumeiro. Diç que la ban a chamar la curculheira.

Nun hai mas gambuzinos, agora hai curcodilhos, hai que ser muderno. I you ya quiero purbar la curculheira.