Habie un bar, eiqui an Paris, mas cierto ye dezir an la Bastille, un bar nua ruguita, onde hai muitos bares, un deilhes sturiano. Iba alha muitas bezes, tomaba un café i quemie un cacho de pudin pur un preciu que ye melhor nun dezir... bon stamos an Paris que cul mesmo denheiro pudies quemer dues bezes nal Porto !
So qu’un die al chegar alha naquesse bar ancuntrei-lo fechado, fui nun die de Julho. I ya daquesse die que todos los fins de sumana iba alha a ber se staba abierto, mas nada. Quaisque parecie qu’habie sido alha screbido “Marchemos, ya nunca buôlberemos !”. La tie que tenie al bar yera Sturiana so que nun l falaba purque ya habie muito tiempo que staba an França i nunca habie daprendido la lhiengua. Al sou tiu yera ou galhego ou purtués mas nunca tube l’oucasion de lo saber ya que tenien pouco bagar de charlar i you siempre l falaba an spanhole.
Lembro-me que nelas paredes ya amarielhas de las bapores d’azeite i de fumo habie alha ua badeira spanhola i ua sturiana, un reloijo cula cruç sturiana i mas dues bandeiricas spanholas cu al lhado ua purtuesa algo mas grande. Que siempre brincaba cun las bandeiras aqueilhas deziendo que solo dues spanholicas puodien ser tan buonas cum ua sola purtuesa.
Mas nal sabado que passou fui defrente, pur fin al bar ya habie abierto, de nuobo, i nuobo staba. Al antrar, la purmeira cousa que reparei fui al muro, branco. A la squierda ya nun habie la bandeira sturiana ya nien la spanhola, mas si ua pantalha d’aqueilhas que fazen agora i que se ponen a la parede cum un quadro. A la dreita, al balcon, uas rapazas todas buonas staban alha a pinchar i un rapaç de l’outro lhado a serbir.
-Adonde stan los bielhos que staban eiqui antes ? pedie-l you an frances.
-Bendiren diç-m’él.
Yera nal que you habie pensado... “Marchemos, ya nunca buôlberemos !”, parecie que lo habie bisto eilhi mesmo marcado, i a final nun m’habie anganhado de muito. Aposte que se marchoran para Xixon ou Uviéu, ou anton pal Balhe de los Baqueiros, quien sabe talbeç galhiza, sei you alha y nun me dezieren nada !
-Bon, digo you algo strampalhado, anton da-m’ende un café i un cacho de pudin.
-Mira, que me diç él (mas an frances, que spanhole nun parecie saber, sturiano inda menos), la maquina sta fudida i pudin nun fago.
Anton mirei d’un lhado i d’outro, la parede, los bancos i talabancos, las rapazas buonas a pinchar, i salie deziendo-l :”Bon et bien, bonne soirée...”
Al salir sbarei-me qu’ua turista spanhola que l’achaba graça al bar purque ya agora se chama “nin fuera, nin drento”, ya pra mie agora sera an casa !!!
