31.1.10

Nun hai mas que tener cien anhos !

Nals cien anhos la Republica, al senhor persidiente dixo-mos que s’habie ido mui adelantre cun aceitar las defrenças, que ye isso un dals deberes la republica. Senhor persidiente, nos nun pecize-mos republica pr’aceita las defrenças que ten l resto dal peis cun nos. Sera, que bos i las eideias la republica mos pudeis aceitar mesmo pur cumpleto ?
S’anton ye, fazei cun que l’ansino’l mirandés seia berdadeiramiente de dinhidade republicana !
Sera que quereis tanta’l zafiu ?
Dende, que biban las Tierras de Miranda i’l resto dal Peis, biba la Republica !

19.1.10

Nun hai mas que s’alto-purclamar rei !

Fai uns diês atras arrecebie ua carta d’un home que nal que parece s’alto-purclamou rei de Sturias i Llion. La carta ven junta c’un retrato pra que sabamos de quien se trata. Ya agora la carta diç assi :
Al nuobo Rei alto-purclamado

“Naquesse die santo 6 de Janeiro dal 2010, you, Don Briximo II de Cicuriola pido a tod’los que teneran nubidades daquesta carta que s’anteiran dal sou cuntenido i que lo purclaman an tod’los sitios dal nuosso reino.
You, alto-purclamo-me rei de Sturias i Lhion. De sangre nobre i curaçon puro atrebo-me an defender la nuossa lhiengua an tode’l reino lhibre. Decendiente de Fonso I, nun peciso hoije curona ningua d’ouro, apenas ua de carton me sierbe. Dende tamien bos piedo a todos de purba’l buosso bino i’l cidra an mie honra.
Sou un rei stramugido, nun eirei aparecer muitas bezes, pur isso nun-me sperades an rugas de Miranda, Lhion ou Xixon que you alha nun stou. Apenas me quedo an bos, nal buosso curaçon, miu bien honrado pobo.

Dende onde stou, ua benediçon bandita dal cielo pra todos.

Nota pa los curas : pido-bos pra reunirdes an cada pobo la rapaza la mas de-lei i que me seian parqui mandadas purque eiqui busca-se reina !”
I assi ye. Pensei que serie buono de bos quementar aquesta nubidade. Nal que parece solo Dius sabera quien ye... Anté’l purblema ye que’l tiu nun deixou murada, assi que nun sei cume’l bamos a manda las rapazas !

n.l.r : Aquesta nuoba que fui toda eimaginada pur mi, fui feita açpuis d’haber bido ua cousa mui comica eiqui.