5.6.08

Nun hai mas qu'ir a Miranda por esses tiempos

Hoije ban ende alguas fetugrafies de Miranda city tiradas hai uns dies atras. Foi alha cul burro, inda bien qu'ancuntrei adonde lo deixar !

An purmeiro, fui-me pal castielho. Dizen uns qu'un die spludiu an mil cachos i que fizo muitissimos muortos ! Fui n'un die an que dezien qu'habie a las puortas de la cidade melhiares de Spanholes i Franceses que querien alha antrar. So que nun se sabe cum ye que fui aquilho mas las reserbas de polbra splodiren todas d'ua beç. Y assi se ficou anté hoije.

Al castielho i froles, froles, ...


Açpuis dou-me la gana de ber las binhas de la cidade cum ye que s'amanhaban cula chuba d'aquesses ultimos dies. Eilhas alha andaban bien rijas i mas verdes qu'an Cicuiro.


Ua binha an Miranda


Mas cum inda sou algo culto, gusta-me la leitura. Gusto mas de ler lhibros an Mirandés que los outros nun falen cum you ! I anton fui-m'a la bibiotéca munecipal. Nin siempre fui ua bibiotéca, hai quien diç qu'antes yera ua casa de frailes acho... ah ! Ya nun se me lhembra. Inda se puoden ancuntrar eilhi alguas publicaçones an Mirandés.


La bibiotéca munecipal


Dal tiempo que you ya nun iba pra Miranda que me perdie ! Si perdie-me ! Staba nua rugita toda streitica, hui ! Ya l burro tamien staba farto i so andaba gemendo que querie buer auga. De tal maneira que me fui a ber se l'ancuntraba un tanque adonde pudissa buer... mas nada ! An beç disso perdie-me you i l burro !


Ua rugita i casas antigas


Nun sei cum fui mas you i l burro fuomos a para an frente de la camara ! Anté fui buono purque tenie qu'ir alha a tratar d'ua papelada d'uas tirras perdidas que ya nun arro, mas quienda stan nal nome dal miu trisabo ! Mas la secretaira toda buona qu'eilha staba inda nun me falou an Mirandés ! Acho qu'un die destes l bou a ansinar !



La camara

Cum ya habie falado Purtués a mas a la camara inda m'ampeçou a duler la cabeça. Fui assi que tube l'eideia de dar ua besita a la casa de la cultura. Ah mas ende cuidado, ende ya los hai que falen Mirandés. Si, yê berdade. I inda stube a la cunbersa cun Paulo, sabes aquele de los pandeiros.



La casa de la cultura



I eiqui fica l unico sitio qu'ancuntrei pra parcar al burro. Nin acredito acho que bou a bander Artur y cumprar ua Mini !

Parca l tou ende tamien !

No hay comentarios: