Soutro die passei you pul salon de l’agricultura an Paris que tenie ganas de ber las baquitas ! Fui purreiro porque dou pra ber muitas cousas ! Anté habie chabolas adonde se pudie quemer a la buntade ! Isso ye que fui ! Los Bascos ya tenien aquielho mas animado que you sei, habie de quemer que nien un rei pudie cun aquielho todo.
I you tamien ajudei tanto que pude, claro yera de pagar, mas tamien balie la pena. Açpuis d'uns cupicos de cidra, ya tamien çumo de maçana purque la cidra lhougo s’acabou, mas uns quechicos de persunto i oupa ! Ya staba pronto pra mas ua buoltica. So que quando passo an frente ua chabola so de checolates ! Hui bendien uas pastas einormes que fazien pur’ie un bun metro quadrado cada !
La tal pastaNunca habie you bido cousa destas, até metien miedo ! Bien me lumbrei naquel mumiento lo que dezie mui abo Manuel, qu’al checolate de Spanha sabie a telha ! I tenie bien rezon qu’un die fui you a Mare l comprar ua pasta... pus yera ua cousa cum hei dezir... toda seca... parecie mesmo ua telha.
Fui anton que pensei comprar ua dessas a ber s’al checolate de Paris ye melhor. A 58 ouros al kilo solo puodie ser buono... Fui assi que you tamien comprei ua pasta dessas ei-nor-me !Ye dessas de las brancas que son bien buonas mas bien mas faceles de fazer que las pretas... i que pra mas son bien mas caras.... anfin tengo que bos dezir que si ye buona...
No hay comentarios:
Publicar un comentario