11.10.09

Nun hai mas que butar pra ti !

Hoije ye die d'eileiçones altarticas pulas Tiêrras de Miranda i tamien an Purtual. Nun sei se bos ya lo sabeis, mas la pulitica ye ua grande merda qu'hai naqueste mundo ! Hoije nal peis bezino ya houbo un muôrto pur causa las eileiçones.
A final la pulitica solo mos sierbe pr'isso; fuder uns, mamar n'outros i ganhar muito denheiro (mas donde el ben ?) i abrir mui alto i fuorte la tacha (aquesto you tamien-l fago !).

Cremos cambio !
Anton que pensara la mucidade Cicuirana ? Isso ye mui simples. Ye solo ir a la casa'l pobo i scuitar la giente falar. Anté hai quien diç qu'an tiempos habiemos de mos haber turnado andependientes i tener ua fuorça armada pra matar tod'esses puliticos, tucadores de çanfona i sustricadores dal miel dal pobo !
Al que la mucidade de Cicuiro quier sta bien bisible nal cartel, mas acho que poucos mos lo puderan oufrecer. Cun tiempo, las cousas ban pouco a pouco mudando. Al nome apurtuguesado dal nuosso pobo bai-se scapando, deixando an campo l berdadeiro i unico nome: Cicuiro. Mas habera un pulitico que saba fazer isso ?
Cicuiro, un de los pobos mas democratico dal Praino adonde nun hai listas nien partidos ouficiales; butar nos fazemos-lo pra quien cremos.
Hoije, ye'l die onde al pobo ten'l puder todo, muito mas que los altarticos, xefes puliticos, i mas. Hoije, tenes tu'l puder cumpreto. Por isso nun'l gastes i bota pra ti !

No hay comentarios: