Esti blogue ñació va tiempu col enfotu d'unir (culturalmente) un poco más a la comunidá mirandesa y asturiana (y la llionesa tien les puertes abiertes, y si hay daquién d'ellí que quiera collaborar, que sepia que tien les puertes abiertes) alrodiu d'una llingua y de proyeutos comunes...
Sicasí, danos un poco murnia ver qu'arriendes d'esti blogue, nun cuayó muncho la idea de facer daqué más pola comunidá "en sentíu llargu"... ¿Falta d'idees? ¿Galbana? ¿Falta d'enfotu? NUn lo sabemos, por si acasu, ehí van delles idees... masque seya predicar nel desiertu.
A nivel institucional:
1- Enxertar dalguna actividá venceyada a Miranda na Selmana de les Lletres... ¿Por qué non dalgún académicu nuevu, mesmo que se fixo con Lleón?
2- Alcuentros d'escolinos d'Asturies y Miranda (paezme que se fixeron yá dalguna vez, pero más...)
3- Distribuyir llibros, periódicos (Les Noticies), etc, n'asturianu en Miranda... (y al revés)
A nivel de sociedá civil. Delles idees:
1- Un Sidra&Blogues pan-asturllionés
2- Un diariu dixital pa tol dominiu... (Yá sé que n'Asturies tenemos munchos, pero bien fácil diba ser da-yos entrada a los mirandeses nún d'esos proyeutos)
3- Una asociación de defensa de la llingua (o una federación d'asociaciones) d'Asturies, Llión y Miranda que fixere campañes conxuntes (especialmente na estaya europea)
4- Un programa de radio con participación de xente mirandés en Radio Sele... (Y anque seya un poco utópico, intentar facer una radio n'asturianu pa tol dominiu llingüísticu)
5- Una revista de lliteratura (toi pensando en Formientu, por exemplu) que seya decididamente pan-asturllionesa, que se fomente l'alcuentru de xente de dambes partes...
Nun dexen de ser delles idees... Dende Nun hai más vamos tar encantaos de sofitar cualaquier iniciativa que-y dea valor a la nuesa llingua común, l'asturianu (tamién llamáu llionés, mirandés o asturllionés, pero que nun dexa de ser la mesma llingua)
2 comentarios:
"danos un poco murnia ver qu'arriendes d'esti blogue, nun cuayó muncho la idea de facer daqué más pola comunidá "en sentíu llargu"... ¿Falta d'idees? ¿Galbana? ¿Falta d'enfotu?"
Galbana y falta d'enfotu'l vuestru... Si tantes ganes teneis de que se faigan eses coses poneivos a trabayar n'elles... pero claro, ye mas facil ponese a esbabayar con un blogue, pensando qu'asina, de la nada, van facese soles les coses... Valio d'ideologos de chigre/internet y un pocu mas de trabayu, que falta fai.
Pa l'anonimo :
Ya ye muito aceitar que falamos la mesma lhiengua, al stur-lhionés.
I isso ye purque you i l'outor l blog falamos muito los dous i bemos-mos.
Hoije an die la pulitica lhienguista dal lhado purtués ten sido de dezir qu'al mirandés ye la lhiengua de Purtual. Pur barios mutibos, al mas purque ten de ser arreconhecida por los demas dal peis.
Assi ye cumplicado fazé dalgo cun Asturias y Lhion purque nal mumiento d'hoije "las cabéças" dal mirandés tenen tratado d'amostrar a Purtual que'l que falamos si ye ua lhiengua.
Los outores daqueste blog que tu leis nun biben na tierra deilhes, naqueste terruoco adonde se fala la lhiengua.
Assi que ye inda mas cumplicado pra nos de fazé dalgo.
Fazémos nos cume tenemos pudido anté hoije. Tenemos barios blogs adonde screbimos i adonde ansinamos a la giente la cultura de Miranda, Lhion i Sturias.
Nun hai academie de lhiengua mirandésa, nun tenemos puder ne l'academie la lhiengua sturiana. Assi que pedimos als "grandes" de la lhiengua, tanto dal lhado spanholo cume dal lhado purtués de s'ajuntaren pra fazer dalgo, dalgo que preste pra todos nos.
I tu anonimo, que tenes feito ?
Publicar un comentario