Nun hai bandera...

Yá que fala'l mio amigu Thierry de les banderes, faigo una reflexón de calter simbólicu: Anguaño nun hai una bandera qu'identifique la llingua. Ye normal dir a un museu, a un aeropuertu o a bien d'otros sitios y poder ver nellos coses n'otres llingües. Caduna d'elles ta representada por una bandera (la del Reinu Xuníu representa l'inglés, la de Brasil o Portugal el portugués, la d'España'l castellanu, la d'Alemania l'alemán...)

Siempres refugué esi sistema de representación de llingües, l'alemán ye tamién la llingua d'Austria o de Suiza, y l'español yelo de bien de países d'América mesmo que'l Portugués ye d'Angola y Mozambique o l'inglés d'Australia, Canadá y los Estaos Xuníos...

Sicasí, nesti mundiu con riegles non escrites tan universales, facíase importante atopar una bandera qu'identifique la nuesa llingua más alló de les nueses llendes, arriendes de la bandera d'Asturies o la de Miranda o la de Llión, ha haber un símbolu o dalgo qu'identifique la nuesa llingua que ye la mesma y nun difier muncho del Norte al Sur.

Y non, Thierry, nun me presta una bandera qu'imite los collores d'España :-P Nun sé si tienen tradición pa Miranda, pero habíes de buscar daqué más propio.... :-)

Xunto a estes llinies, una bandera independentista asturiana