Toi al favor del Plan Bolonia nes sos nueve décimes partes pero ye d'almirar lo que fai esta xente pa criticalu y defender el so modelu d'universidá-non-centrada nes salíes profesionales. Enriba d'estes llinies un encierru na mio universidá (n'otra facultá).
Ye d'estrañar que 200 mozos tean faciendo eso por un plan d'estudios que nun los va afeutar (ye d'aplicación gradual) y que n'Asturies, Lleón o Miranda, naide nun tea dispuestu a enzarrase pa pidir drechos: Drechu a una TV n'asturlleonés, drechu a que seya oficial nel so territoriu, drechu a poder vivir na so llingua...
¿Qué mos pasa? ¿Mataron los políticos el nuesu texíu vindicativu? ¿Nun somos a facer coses en defensa del nuestru idioma? ¿Vamos dexalu morrer mirando pa otru llau? ¿Vamos enfotanos siempres no que faigan los gobernantes? Nun mos engañemos, al gobiernu de Portugal, al d'España, al d'Asturies o al de Llión nun-yos da más la llingua, y somos los falantes los qu'hemos rebelanos a la escontra d'esta situación; siempres dientro de les lleis y el respetu pa col otru, claro.
3 comentarios:
Falten: conciencia llingüística ya identitaria.
Qué facer: siguir trabayando en cada comunidá y afitar la collaboración en tol dominiu asturlleonés.
Apéndiz: a primeros de mayu va celebrase un congresu en Lleón con participates asturianos, lleoneses, mirandeses... A ver...
Falta muita eidentidade, muita... i acho que ya tarde de mas.
Adonde ye l buosso cungresso... nunca se sabe talbeç que baie alha. Nesses dies starei por Cicuiro.
Paezme que son los díes 6 y 7 de Mayu na Facultá de Filosofía y Lletres de la Universidá de Lleón.
Y, dempués, el día 9 de Mayu celebramos el Día de les Lletres Asturianes n'Uviéu.
Bona selmana pa los que defendemos el nuestru idioma.
Publicar un comentario